Ashk Aankhon Men Chhupaatay Huwe Thak Jata Hon,

Ashk Aankhon Men Chhupaatay Huwe Thak Jata Hon,

Bojh Paani Ka Uthaatay Huwe Thak Jata Hon,

Paaon Rakhte Hain Jo Mujh Per, Unhen Ehsaas Nahi,

Main Nishanaat Mitaatay Huwe Thak Jata Hon,

Barf Aisi K PighaLti Nahi Paani Ban Kar,

Piyaas Aisi K Bujhaatay Huwe Thak Jata Hon,

Achhi Lagti Nahi Is Darja Shana'saai Bhi,

Haath Haathon Se MiLaatay Huwe Thak Jata Hon,

Gham'Gusari Bhi Ajab
Kaar-E-Mohabbat Hai K Main,

Ronay WaaLon Ko Hansaatay Huwe Thak Jata Hon,

Itni Qabrai'n Na Banaao Mere Andar,
YARO!

Main Chiraaghon Ko JaLaatay Huwe Thak Jata Hoon.