Wednesday

Tum Meri Aankh K Taewar Na Bhulaa Pao ge


Tum Meri Aankh K Taewar Na Bhulaa Pao ge
An-Kahi Baat Ko Samjho gey To Yaad Aun ga

Hum Ne Khushyon Ki Tarha Dukh B Ikathe Dekhe
Safah -e- Zeest Ko Palto ge To Yaad Aun ga

Isi Andaaz Me Hotey The Mukhaatib Mujh se
Khatt Kisi Aor Ko Likho ge To Yaad Aun ga

Sard Raaton K Mehakte Hue Sannaton Me
Jab Kisi Phool Ko Choomo ge To Yad Aun ga

Ab Tere Ashk Me Honton Se Chura Leta Hun
Haath Se Khud Inhe Poncho ge To Yaad Aun ga

Shawl Pehnaye Ga Ab Kon December Me Tumhe
Barishon Me Kabhi Bheego Ge To Yaad Aun ga

Aj Tum Mahfil-E-Yaaran Pe Ho Maghroor Bohat
Jab Kabhi Toot K Bikhro ge To Yaad Aun ga

Haadse Aenge Jeewan Me To Tum Ho K Nidhaal
Kisi Deewar Ko Thamo ge To Yaad Aun ga

Is Me Shamil Hai Mere Bakht Ki Tareeki Bhi
Tum Siyah Rang Jo Pehno ge To Yaad Aun ga...

No comments:

Post a Comment