Is Mein Shamil Dasht-o-Sehra Or Weerane Ki Baat,
Ehal-e-Mehfil Se Juda Hai Tere Deewane Ki Baat,
Mohtasab Hum Bey Gunahon Ko Na Dey Ilzaam-e-Maey
Tishnagi Mein Aa Gai Honton Pe Maekhaney Ki Baat,
Haan Abhi Bhooli Nahi Jor-e-Khizaan Ki Dastan,
Ehteyaatan Hum Nahi Kartey Bahaar Aney Ki Baat.
Ban Gai Hai Surkhi-e-Husan-e-Bahar-e-Jaaodan.
Aa Gai Zulaf-e-Mo'atbar k Bikhar Jane Ki Bat.
Her Nafas Mein Showlaa Zan Hain Garmiyan Halaat Ki,
Zindagi Hai In Dino, Bey Maot Mar Jane Ki Baat.
Maekada Badla Hua SAGHAR Shikasta Haal Hain.
Her Haqeeqat Ban Gai Hai Aaj Afsaaney Ki Baat.
No comments:
Post a Comment